2022 Grammys: Wizkid get Grammy nomination wit Burnaboy, Tems, Made, Femi Kuti

Wed, 24 Nov 2021 Source: www.bbc.com

▶ Click Here for Full AFCON Coverage ◀

Wizkid, Burnaboy, Tems, Made and Femi Kuti na Nigerian musicians wey dey among oda Africa artists wey grab 2022 Grammy nominations.

Di 2022 Grammy Awards show, wey dey officially known as di 64th Grammy Awards go shelle on Monday, January 31, 2022.

Among di Nigerian artist, Wizkid get two nominations wey be; Best Global Music Album and Best Global Music Performance.

For di category of Best Global Music Performance, artist wey dey di list na; Arooj Aftab, Angelique Kidjo, Burnaboy, Femi Kuti, Yo-Yo Ma and Wizkid ft Tems.

While for di Best Global Music Album di musicians wey dem nominate na; Rocky Dawuni, Angelique Kidjo, Femi Kuti, Made Kuti and Wizkid.

Nigerians for social media don begin dey send dia congratulations in advance to Wizkid afta tweets of im nomination come out.

Wizkid Made in Lagos Deluxe edition get nominated for di "Best Global Music Album".

While e song with Tems, Essence get nominated for "Best Global Music Performance"

Dis "Best Global Music Performance na di same category wey Burna Boy win last year.

Source: www.bbc.com