An yi wa Man Utd tayin Chilwell, Sterling ba ya da tabbas a Chelsea

Chelsea ta yi wa Manchester United tayin ɗanwasan baya na Ingila Ben Chilwell mai shekara 27 bayan shaida masa cewa ba ya cikin tsarin - Enzo Maresca. (Talksports>)

West Ham na son sayen ɗanwasan tsakiya na Spain mai shekara 27 Carlos Soler daga Paris St-Germain amma dole sai ta rabu da wasu ƴanwasan kafin ta samu zarafin sayensa. (Guardian)

Ɗanwasan baya na Brighton Valentin Barco, mai shekara 20 na shirin komawa Sevilla a matsayin ɗanwasan aro. (Fabrizio Romano)

Daraktan Napoli Giovanni Manna ya koma Ingila domin ci gaba da tattaunawa kan ɗanwasan tsakiya na Brighton da Scotland Billy Gilmour, mai shekara 23, da ɗanwasan gaba na Chelsea da Belgium Romelu Lukaku, mai shekara 31 da kuma ɗanwasan tsakiya na Manchester United da Scotland Scott McTominay. (Gianluca di Marzio - in Italian)

Watford ta amince ta karɓi aron ɗanwasan gaba na Bournemouth mai shekara 21 Daniel Jebbison. (Sky Sports)

Tsohon ɗanwasan gaba na Ingila Raheem Sterling, mai shekara 29, yana son ci gaba da taka leda a gasar Premier bayan sanar da shi rashin tabbas kan makomarsa a Chelsea. (Sky Sports)

Barcelona na nazarin ɗauko ɗanwasan Juventus da Italiya mai shekara 26 Federico Chiesa. (ESPN)

Manchester United ta kusan kammala cimma yarjejeniya kan ɗanwasan tsakiya na Uruguay Manuel Ugarte, mai shekara 23 daga Paris St-Germain. (Sky Germany)

PSG ba ta da wani tanadi na ƙara kuɗin tayin Ugarte kan fam miliyan 51. (Mirror)

Ɗanwasan gaba na Arsenal mai shekara Charlie Patino na dab da zama ɗanwasan Deportivo La Coruna. (Athletic - subscription required)

Fulham ta amince da yarjejeniya da Lyon kan ɗanwasan Faransa mai shekara 21 Rayan Cherki. (L'Equipe - in French)