Canada and China announce do-me-I-do-you against US

China and Canada don announce one do-me-I-do-you action as President Donald Trump tariff against Canada, Mexico and China come into effect on Tuesday.

Canada don vow 25% tariffs on $150bn worth of US imports.

China also announce 10%-15% tariff on US agriculture imports and dey also target US firms with di do-me-I-do-you retaliatory action.

Trump bin add 10% to di levy on Chinese imports to make am 20%, in response to accusations say Beijing no dey do enough to stop di flow of fentanyl into US.

Trump say di import taxes go force Canada and Mexico to take more action to stop illegal drugs and migrants from entering di country.

Meanwhile, US markets drop and Asian markets dey shake at di possibility of a trade war.

Experts don warn say American consumers go likely face higher costs for some products.

All dis na as President Donald Trump say e dey move forward with 25% tariffs on goods imported from Canada and Mexico into di US, as e add say time don run out to reach a deal.

An additional 10% tariff on Chinese imports also dey expected to come into force, leaving all three of America top three trade partners facing significantly higher barriers dan just a few weeks ago.

"No room left for Mexico or for Canada," Trump tok for White House on Monday. "Di tariffs, you know, all don set. Dem dey go into effect tomorrow."

How Canada and China hit US back

Dis na wetin you need to know sharp-sharp as Trump tariff against US three biggest trading partners, don spark one do-me-I-do-you retaliatory action from two of dem, Canada and China:

.Trump long threat of 25% tariffs against Canada and Mexico come into effect at midnight for Washington DC, also anoda new 10% levy against China

.Canada bin vow say dem go impose 25% tariffs against $155bn worth of US goods wen Trump tariff kick in

China sharp=sharp announce dia own counter measures, wey include 10-15% tariff on some US agricultural goods

.Beijing don also target various US firms in aviation, defence and tech by adding dem to one "unreliable entity list" and imposing export controls

.Mexico dey expected to announce dia response later today - President Claudia Sheinbaum tok on Monday say her country don make "contingency plans"

Di three major indices for di US sink after Trump comments. The Dow Jones Industrial Average end di day down 1.4%, di S&P 500 sink 1.75% and di Nasdaq fall 2.6%.

Prime Minister Justin Trudeau bin don respond say: "Canada no go let dis unjustified decision go unanswered."

Canadian Foreign Minister Melanie Joly bin tell reporters say Ottawa plan to impose retaliatory tariffs against US imports of C$155bn ($107bn; £ 84bn), with di first batch of $30bn ready immediately to go on everyday goods like pasta, clothing and perfume.

Di foreign minister add say di tariffs be "an existential threat to us", with "thousands of jobs in Canada wey dey at stake".

China commerce ministry on Tuesday bin also vowed to retaliate against di fresh US tariffs, accusing di Trump administration of trying to "shift di blame" and "bully" Beijing over fentanyl flows.

Inside statement, di ministry bin ask US to "immediately withdraw" di tariff wey dem describe as "unreasonable and groundless, harmful to odas".

State media outlet The Global Times report on Monday say China fit target US agricultural and food products with both tariff and non-tariff measures.

Trump bin threaten to impose di tariffs, wey be a tax added to a product wen e enter a country - on Canada, Mexico and China in response to wetin e say be di unacceptable flow of illegal drugs and illegal immigrants into di US.

All di tariffs bin suppose take effect last month, until US agree to a one-month delay for Canada and Mexico.

But Trump bin go ahead with imposing a 10% tariff on Chinese exports to di US in February, meaning goods from di country now dey face a levy of at least 20%.

Trump bin don maintain for long say tariffs na a useful tool to correct trade imbalances and protect US manufacturing.

E don rubbish concerns say di measures risk economic damage for US, despite di close ties, especially for North America, wia businesses don enjoy many years of free trade.

"Wetin dem go need to do na to build dia car plants, and oda things, for di United States, in which case dem no go get tariffs," e add.

Officials from Canada and Mexico had been in Washington in recent days, trying to stave off the tariffs.

Mexican President Claudia Sheinbaum appeared to send a message to Trump earlier on Monday when she said at a public event in the city of Colima that "Mexico has to be respected".

"Co-operation [and] co-ordination, yes, subordination, never."

Trudeau met King Charles on Monday in the UK, saying beforehand that he would discuss issues of importance to Canadians, including "standing up for our sovereignty and our independence as a nation".

A day earlier Canada's PM said from a summit in London that Canada was "not an issue" as a source of illegal fentanyl in the US.

Only 1% of fentanyl seized in the US is thought to come from Canada, according to US data.

Canada Border Services Agency (CBSA) say dme bin don increase efforts to tackle fentanyl crossing into US.

President Trump bin also announce a 25% charge on all steel and aluminium imports, wey suppose to come into effect on 12 March.

In addition, e don threaten to impose custom "reciprocal" tariffs on individual countries, as well as 25% tariffs on di European Union.