Man City ta doke Arsenal karo uku a bana

Manchester City ta doke Arsenal 4-1 a wasan mako na 33 a gasar Premier League ranar Laraba a Etihad.

Minti bakwai da take leda Kevin de Bruyne ya fara cin kwallo, sannan John Stone ya kara na biyu daf da za a je hutu.

Bayan da suka koma zagaye na biyu ne Kevin de Bruyne ya kara na uku na biyu da ya ci a fafatawar.

De Bruyne ya ci Arsenal kwallo bakwai a Premier League jimilla, kungiyar da yafi ci kwallo a babbar gasar tamaula ta Ingila.

Arsenal ta zare daya ta hannun Rob Holding, saura minti hudu a tashi daga wasan, sai dai daf da za a tashi Erling Haaland ya kara na hudu.

Kwallo na 33 da Haaland ya zura kwallo a raga a Premier League kawo yanzu.

Haaland ya zama kan gaba a cin kwallaye da yawa a kaka daya a Premier League a tarihi.

Jerin wadanda suka ci kwallaye da yawa a kaka daya a Premier:

Wannan shine karo na uku da City ta yi nasara a kan Gunners a bana, inda ta fitar da Arsenal a FA Cup a cikin Janairu.

City ta doke Arsenal 3-1 a cikin watan Fabrairu a Emirates da kuma ranar Laraba da City ta kara cin Arsenal 3-1 amma a Etihad.

Da wannan sakamakon Arsenal ta ci gaba da zama ta daya a teburin Premier League da maki 75 da tazarar maki biyu tsakaninta da City mai kwantan wasa biyu.

Wasa uku da City ta ci Arsenal a bana:

Premier League Laraba 26 ga watan Afirilun 2023

Premier League Laraba 15 ga watan Fabrairun