Manchester United na tattaunawa mai zurfi kan Greenwood

Manchester United ta ce ba ta yanke shawara kan makomar Mason Greenwood ba, wanda har yanzu ake "tattaunawa mai zurfi a cikin gida".

An yi watsi da tuhumar da ake yi wa dan wasan mai shekaru 21, gami da yunƙurin fyade da kai hari a ranar 2 ga Fabrairu.

An sa ran cewa sanarwa za ta fito kafin fara gasar Premier da za su kara da Wolves a ranar Litinin amma aka jinkirta.

A wata sanarwa da ta fitar a ranar Laraba, United ta ce "lokacin gano gaskiya" na binciken su ya kammala.

Shawara game da makomar Greenwood a yanzu, ya rataya ne a wuyan babban jami'in zartarwar ƙungiyar Richard Arnold - kuma a halin yanzu ana kan matakin ƙarshe.

Greenwood bai buga wasa a United ba tun lokacin da aka tuhume shi kuma bai shiga filin atisayen kungiyar na Carrington ba.

Kwantiraginsa na United zai kare a watan Yunin 2025.