Likitan shugaban ne Dr Shu'aibu Rafindadi ne ya yi wa Buhari allurar
Shugaban Najeriya Muhammadu Buhari ya karɓi allurar rigakafin korona a ranar Asabar.
Likitan shugaban ne Dr Shu'aibu Rafindadi ya yi wa shugaban allurar misalin ƙarfe 11:53 a fadarsa a Abuja.
An kuma yi wa mataimakinsa Farfesa Yemi Osinbajo allurar bayan yi wa shugaba Buhari
A ranar Juma'a ne Najeriya ta ƙaddamar da allurar rigakafin korona a ƙasar inda aka fara yi wa likitoci kafin shugabanni da kuma sauran ƴan ƙasa.
Allurar riga-kafin Oxford ta AstraZeneca Najeriya za ta karɓa a ranar Talatar makon da ya gabata.
Najeriya za ta kasance kasa ta uku a yankin Afrika Ta Yamma da suka ci moriya tallafin alluran riga-kafin karkashin shirin COVAX, baya ga Ghana da Cote D'Ivoire.
