Odegaard ne gwarzon Afirilu da magoya bayan Arsenal suka zaba

Martin Odegaard shine ya lashe kyautar gwarzon kwallon kafa da magoya bayan Arsenal suka zaba na watan Afirilu.

Karon farko kenan da dan kwallon ya lashe kyautar wata-wata a bana da magoya baya kungiyar kan zabo mafi kokari a wasannin Gunners.

Kyaftin din ya samu kuri'a kaso 68 cikin 100, sai Gabriel Martinelli na biyu da kuma Ben White na uku.

Martin wanda ya taka rawar gani a watan Afirilu ya ci West Ham United kwallo mai kayatarwa da wadda ya zura a ragar Southampton.

Haka kuma shine ya bai wa Granit Xhaka kwallon da ya ci Leeds United, wanda ya raba tamaula kaso 86 cikin 100 a karawa biyar da ya yi wa Gunnewrs a cikin Afirilu.

Gwarzon wata-wata a Arsenal a kakar 2022/23

Agusta: Gabriel Jesus

Satumba: Granit Xhaka

Oktoba: Granit Xhaka

Nuwamba: Ben White

Disamba: Bukayo Saka

Janairu: Oleksandr Zinchenko

Fabrairu: Oleksandr Zinchenko

Maris: Leandro Trossard

Afirilu: Martin Odegaard