Nollywood actor Richard Mofe-Damijo, AKA RMD
The Academy of Motion Picture Arts and Sciences don extend invitations to popular Nollywood actor Richard Mofe-Damijo, AKA RMD, writer Kunle Afolayan and Shola Dada plus director C.J. "Fiery" Obasi to join di organization for 2023.
Dem make up a list of 398 artists and executives wey di Academy invite as new members for 2023.
Also invited dis year to di music branch na ogbonge musician Taylor Swift and Abel Makkonen Tesfaye, "The Weeknd".
Di Academy say membership selection dey based on professional qualifications, wit a commitment to representation, inclusion and equity.
Inside post for social media, RMD react say na: "Best Birthday present wey come early!"
Kunle Afolayan on im own part say na: "Another opportunity to serve."
