Naija police | File foto
One gang of robbers allegedly break and enta di house of one 65 years old woman on Sunday night rape and steal her properties.
Di 65 years old retiree, wey dey live near Millennium City for Kaduna di capital of Kaduna state north west Nigeria, bin send panic message give her son say some pipo dey try break enta her house around past 8 on Sunday night.
Di son wey bin no dey house wit im mama at di time of di break in, enta Twitter to call on di Nigeria police and im fellow kontri men for help.
“My mum just call me wit panic for her voice, she said some pipo dey try break into her house @PoliceNG. Location na KekeB near millennium city Kaduna, she no dey pick up please guys help me tag di necessary authorities plz, she be all I get plz in God name,” KingAhmed, @KingAhmed26 post for Twitter.
Di son say police no respond and di robbers break enta di old woman house.
While you all are sleeping and having a night rest, I am here thinking how mean humans could be. My Mum was Raped multiple times, like how you break into one’s house, steal from them and rape them? How Dare you rape a 65 YO woman? May y’all never see peace
