Premier League: Manchester Utd vs Chelsea preview

Di rivalry between Manchester United and Chelsea go continue today for Old Trafford, Manchester United house.

Di two clubs go kwanta for di Premier League match dis night and dia fans no wan dey disappointed at all.

Matches like dis dey cause beta banter among foorball fans.

Manchester United dey 6th position for di table while Chelsea still tanda for 10th position.

Team news

Manchester United midfielder Mason Mount fit no play for di match and im fit no get di chance to face im former club Chelsea sake of calf problem.

Tyrell Malacia, Casemiro, Jonny Evans, Lisandro Martinez, Christian Eriksen and Amad Diallo no go play di match.

For Chelsea team, Reece James and Marc Cucurella don come back from suspension but Conor Gallagher still dey serves one-game ban.

Noni Madueke and Lesley Ugochukwu still get injuries, e mean say Chelsea fit dey without 10 players for di trip to Old Trafford.

Match facts

Head-to-head

Manchester United dey unbeaten for 11 league games against Chelsea since dem lose 1-0 for Stamford Bridge for November 2017. Dem win 4 draw 7.

Di last Premier League win for Chelsea away to United na 1-0 for May 2013. Dem bin don have draw six and lost four of dia subsequent 10 top-flight fixtures for Old Trafford.

Manchester United and Chelsea get 26 Premier League draws between dem, di highest total of any fixture for di history of di competition.

Manchester United

Manchester United lose three of dia past five Premier League home matches.

Di Red Devils neva score before half-time for six of dia seven home league games dis season.

If dem lose, e go be dia 18th loss for all competitions in 2023, wey go be dia highest total for a calendar year since 1989

Dem don lose 17 games for all competitions in 2023, dia highest total in a calendar year since 2001. An 18th defeat go be dia biggest total since 1989.

Erik ten Hag team neva share points for league match since dia 2-2 draw for Tottenham on 27 April, so far, dem win 13 and lose eight of dia past 21 fixtures.

Marcus Rashford don score two times for 18 games for United dis season. Im don also fail to score for any of im 10 appearances for Old Trafford.

Chelsea

Chelsea don lose 16 of dia 37 league fixtures for 2023. Na only for 1993 dem bin beat dem 20 times, di most Premier League matches in a calendar year.

Chelsea win three of dia last four away league games, one more dan dem manage for dia previous 16 attempts wia dem draw 5, lose 9.

Dem win one of dia past 10 midweek matches for di Premier League wit 3 draws and 6 loses, dem lose five of dia last six on a Tuesday, Wednesday or Thursday.

Each of Chelsea last three away league fixtures end wit 4-1 scoreline, dem win 2 lose 1, while dia most recent trip to Old Trafford end in a 4-1 defeat on 25 May.

Mauricio Pochettino side don play seven top-flight games and dem no fit keep a clean sheet, dem concede 16 goals.

Manchester United na di side wey Raheem Sterling don faced most often for im career without ever scoring, di Englishman don make 24 league and cup appearances against dem.