Hoton alama
Real Madrid na shirye-shiryen fafatawa da Girona a wasan mako na 31 a La Liga ranar Talata.
Kungiyar Santiago Bernabeu ta ci Celta Vigo 2-0 a karawar mako na 30, yanzu kuma za ta ziyarci Montilivi domin buga wasan mako na 31 a babbar gasar tamaula ta Sifaniya.
Tun da sanyin safiya 'yan wasan Real Madrid suka fara da motsa jiki da guje-guje, sannan aka raba tamaula, bayan da aka raba filin gida biyu.
An karkare da buga wa gola tamaula, yayin da Mendy da Alaba suka motsa jiki a rufafen daki a shirin da suke na murmurewa daga jinya.
Real Madrid da Girona sun tashi 1-1 a wasan farko a bana a La Liga ranar 30 ga watan Oktoba a Santiago Bernabeu.
Vinicius Junior ya fara cin kwallo a minti na 70, yayin da Girona ta farke saura minti 10 a tashi daga wasan ta hannun Cristhian Stuani a bugun fenariti.
A karawar ce aka bai wa Toni Kroos jan kati daf da za a busa tashi daga wasan.
Real Madrid tana ta biyu a teburin La Liga da maki 65, inda Barcelona ce ta daya mai maki 76.
Ita kuwa Atletico Madrid tana ta uku a teburin La Liga da tazarar maki biyar tsakaninta da Real Madrid ta biyu.
Wasannin da za a buga ranar talata 25 ga watan Afirilu:
