Cristiano Ronaldo
Cristiano Ronaldo ya ci kwallo na 700 a tarihin kungiyoyin da ya buga wa tamaula, bayan da Manchester United ta doke Everton a Premier League. United ta yi nasara a kan Everton da ci 2-1 a babbar gasar tamaula ta Ingila a Goodison Park, shi ne ya ci na biyun. Everton ce ta fara cin kwallo a minti na biyar da take leda ta hannun Alex Iwobi, minti 10 tsakani United ta farke ta hannun Antony. Kwallon farko da dan wasan tawagar Portugal mai shekara 37 ya ci a gidan Everton tun bayan 2005. Kwallo na biyu da Ronaldo ya ci a bana, wanda ya zura na farko a raga a Europa League da Sheriff FC, kuma na 699 da ya ci a lokacin cikin watan Satumba. Ronaldo ya fara daga zaman benci a karawa da Everton ranar Lahadi daga baya ya canji Anthony Martial, wanda ya ji rauni a minti na 29. Kyaftin din Portugal ya ci wa Manchester United kwallo 144 a karo biyu da yake buga mata wasanni. Ya ci wa Real Madrid 450 da 101 da ya zura a raga a fafatawar da ya yi wa Juventus da kuma biyar da ya ci a lokacin da ya taka leda a Sporting Lisborn. A bara Ronaldo ya kafa tarihin zama na daya a yawan ci wa tawaga kwallaye a duniya. Kwallo biyun da ya ci Jamhuriyar Ireland ya sa ya hada 111 jumulla, hakan ya haura tarihin da Ali Daei ya kafa mai 109 a raga a tawagar Iran tsakanin 1993 zuwa 2006. Haka kuma shi ne na gaba a cin kwallaye a Champions League mai 140 - ya bai wa Lionel Messi abokin hamayyarsa tazarar 13. Haka kuma Ronaldo yana gaban Messi a yawan cin kwallaye a kungiyoyin da yake buga wa wasanni, bayan da kyaftin din Argentina keda 691 a fafatawar da ya yi Barcelona da Paris St Germain.
Cristiano Ronaldo ya ci kwallo na 700 a tarihin kungiyoyin da ya buga wa tamaula, bayan da Manchester United ta doke Everton a Premier League. United ta yi nasara a kan Everton da ci 2-1 a babbar gasar tamaula ta Ingila a Goodison Park, shi ne ya ci na biyun. Everton ce ta fara cin kwallo a minti na biyar da take leda ta hannun Alex Iwobi, minti 10 tsakani United ta farke ta hannun Antony. Kwallon farko da dan wasan tawagar Portugal mai shekara 37 ya ci a gidan Everton tun bayan 2005. Kwallo na biyu da Ronaldo ya ci a bana, wanda ya zura na farko a raga a Europa League da Sheriff FC, kuma na 699 da ya ci a lokacin cikin watan Satumba. Ronaldo ya fara daga zaman benci a karawa da Everton ranar Lahadi daga baya ya canji Anthony Martial, wanda ya ji rauni a minti na 29. Kyaftin din Portugal ya ci wa Manchester United kwallo 144 a karo biyu da yake buga mata wasanni. Ya ci wa Real Madrid 450 da 101 da ya zura a raga a fafatawar da ya yi wa Juventus da kuma biyar da ya ci a lokacin da ya taka leda a Sporting Lisborn. A bara Ronaldo ya kafa tarihin zama na daya a yawan ci wa tawaga kwallaye a duniya. Kwallo biyun da ya ci Jamhuriyar Ireland ya sa ya hada 111 jumulla, hakan ya haura tarihin da Ali Daei ya kafa mai 109 a raga a tawagar Iran tsakanin 1993 zuwa 2006. Haka kuma shi ne na gaba a cin kwallaye a Champions League mai 140 - ya bai wa Lionel Messi abokin hamayyarsa tazarar 13. Haka kuma Ronaldo yana gaban Messi a yawan cin kwallaye a kungiyoyin da yake buga wa wasanni, bayan da kyaftin din Argentina keda 691 a fafatawar da ya yi Barcelona da Paris St Germain.
