Patrick Fakoya aka Rico Swavey
Reactions don begin pour in for Patrick Fakoya, wey evri body know as Rico Swavey wey die on Thursday morning. Rico Swavey die for hospital days afta e involve for deadly car accident. Na Tobi Bakare, im friend and colleague first confam im death on im social media. Official statement later comot from im management confirming di news of Swavey death. Rico Swavey bin involve for one motor accident on Tuesday inside Lagos and Nigerians bin dey pray from after one tweet from im verified Twitter handle comfam di tori of im accident. How Nigerians dey react Wen e dey for hospital na #PrayForRicoSwavey dey trend for social media. Foto of Rico Swavey dey lie down for hospital wit ventilators, defibrillators, dialysis machines, suctioning devices and oxygen concentrator machines for im body surface online before im die. As im don die di hashtag don change to #RipRicoSwavey. Many Nigerians especially im fans and fellow celebrities don begin pay tribute to di young entertainer. Im fellow Big Brothr Naija season 3 housemates for di reality show wey e participate in for 2018 dey also express dia sadness over di death. Host of di reality show wey imsef be ex housemate, Ebuka Obi-Uchendu don join colleagues to say bye bye to di actor.
Rico Swavey's death is truly heartbreaking, judging by what people say about him u can tell he's a beautiful soul; What a loss. My deepest condolences to his grieving family. May God strengthen 'em & help 'em overcome this irreplaceable loss. RIP Rico. Gone but not forgotten...
We lost him. But thanks a lot guys. God knows best pic.twitter.com/W4nPi0vGrz— Tobi Bakre (@tobibakre) October 13, 2022
This was not what we agreed Rico. Rest In Peace #ricoswavey. pic.twitter.com/W8IgiboPeA— ALEX UNUSUAL (@alex_unusual) October 13, 2022 'Keep good of am for una mind' Rico family after di announcement of im death say wetin dem want na make pipo keep im good memory of di late reality star for mind. Di family bin retweet one of im tweets from 2020 where e bin dey dance during im time on di Big brother show in 2018. For di video, Rico dey dance dance and laugh as im colleagues dey watch
Please keep a good memory of him in your heart ❤️#ripricoswavey #Riprico https://t.co/lK7VcNH2bh— Rico Swavey ???????????????? (@iamricoswavey) October 13, 2022 Who be Rico Swavey Rico Swavey na entertainer wey get several talents wey e don showcase. Im real name na Patrick Fakoya and na from Patrick im bring out im ‘stage name’ Rico wey pipo use know am. Im na 29 years old wey spend some of im life time for Jos, Plateau state. E don dey di entertainment industry for Nigeria for some time but e become popular afta e participate for reality show Big Brother Naija wit oda housemates for 2018 – di ‘Double wahala’ edition. Rico Swavey na graduate of Babcock university for Nigeria wia e study Law.
