Edson Alvarez
Sat, 12 Aug 2023
Source: BBC
West Ham ta kammala ɗaukar Edson Alvarez daga Ajax kan fam miliyan 35.
Mai shekara 25, yana cikin 'yan kwallon tawagar Mexico da suka lashe Concacaf Gold Cup a Amurka a kakar nan.
Alvarez shi ne na farko da West Ham ta ɗauka, tun bayan da ta sayar da Declan Rice ga Arsenal kan fam miliyan 105.
West Ham ta kulla yarjejeniya da Manchester United don sayen Harry Maguire da James Ward-Prowse na Southampton kan fam miliyan 60.
Haka kuma West Ham na fatan sayen Cole Palmer daga Manchester City.
Source: BBC
