Who be Ado Bala Hadi, di Nigerian footballer wey slump, die during match for Spain?

Spanish football club, CD Madridejos confam di death of dia footballer, Hadi Ado Bala.

Di 20-year-old defender slump and die during di match wey im team dey play against Sporting Cabanillas for di Nuevo Campo for di town of Toledo on Sunday, Feb 5, 2023.

Wit di result 0-1 on di scoreboard, di footballer bin faint for no apparent reason for di 39th minute.

For statement, CD Madridejos say dem dey totally devastated and broken wit pain.

Di president of di club, Deportivo Madridejos say im dey in contact wit di family of di young Nigerian, as dem declare two days of mourning for Hadi.

⚫ COMUNICADO OFICIAL ⚫

Totalmente destrozados y rotos de dolor, toda la familia que componemos el Club, queremos agradecer todas las muestras de cariño y apoyo recibidas tras la fatal desgracia vivida en el día de ayer.

Gracias de corazón a todos