Yan wasan Real Madrid
Valencia za ta karbi bakuncin Real Madrid a wasan mako na 35 a La Liga ranar Lahadi a Mestalla.
Kungiyar da Carlo Ancelotti ke jan ragama na fatan cin wasa na 23 a kakar bana, wadda tuni Barcelona ta lashe La Liga na kakar nan.
Wasa biyu suka fuskanci juna a kakar 2022/23.
Sifanish La Liga Alhamis 2 ga watan Fabrairun 2023
Sifanish Super Cup Laraba 11 ga watan Janairun 2023
Real wadda saura wasa hudu suka rage mata tana ta biyu a teburin La Liga da maki 71, Valencia mai maki 37 tana ta 16 a kasan teburin kakar bana.
Wannan shine wasa na shida da Real za ta fafata a watan Mayu daga takwas da za ta yi, daga shi za ta fuskanci Rayo ranar Laraba da ziyartar Sevilla ranar Asabar.
Real din za ta buga wasan karshe a La Liga ta bana da Athletic Club a makon farko da za a shiga watan Yuni.
Valencia za ta yi karawar da tazarar maki uku tsakaninta da 'yan ukun karshen teburin La Liga.
Sai dai kungiyar ba a doke ta ba wasa biyu bayan nan, wadda ta ci daya da canjaras daya, kuma guda daya ta rasa daga shida da ta kara a gida a bayan nan.
Cikin fafatawar shidan da ta yi a Mestalla ta yi nasara uku da canjaras biyu daga ciki.
Tuni Ancelotti ya sanar da 'yan wasan da ya je Valencia da su, domin buga fafatawar.
'Yan wasan Real Madrid:
Masu tsaron raga: Courtois, Lunin da kuma Luis López.
Masu tsaron baya: Carvajal, Militão, Alaba, Vallejo, Nacho, Odriozola, Lucas V., Rüdiger da kuma Mendy.
Masu buga tsakiya: Kroos, Modrić, Camavinga, Valverde, Tchouameni da kuma D. Ceballos.
Masu cin kwallaye: Benzema, Asensio, Vini Jr. da kuma Rodrygo.
