Kasuwar ƴan ƙwallo: Makomar Vieira da Watkins da Bale da En-Nesyri, Sule da Dzeko

Tsohon ɗan wasan Arsenal Patrick Vieira na cikin jeren manajojin da Crystal Palace ke son ɗaukowa idan kocinta mai shekara 73 Roy Hodgson ya yi bakwana da ita a ƙarshen kwantiraginsa a wannan kakar. Kocin ɗan Faransa mai shekara 44 tun watan Disamban bara da ya bar Nice bai rike wata ƙungiya ba. (Athletic, subscription required)

Tottenham Hotspur ta bayyana kocin Red Bull Leipzig ɗan akar Jamus mai shekara 33, Julian Nagelsman a matsayin mutumin da take son ya maye gurbin Jose Mourinho, da ta kora a ranar Litinin. (Mail)

Tsohon kocin Spurs Mourinho ya nuna adawarsa da sake cimma yarjejeniya da ɗan wasan gaba Gareth Bale wanda ke mata wasa a matsayin ɗan aro da Real Madrid tun Satumba. (Telegraph, subscription required)

Crystal Palace ta kasance kungiya ta baya-bayanan da ta nuna shaawarta kan dan wasan tsakiya da ke yiwa Arsenal wasa, Ainsley Maitland-Niles. Kulob din Leeds United da Monaco na Faransa sun nuna kwadayinsu tare da sanya ido kan dan wasan mai shekara 23, da yanzu haka ke zaman aro a West Bromwich Albion tun watan Janairu. (Mirror)

Liverpool ta nuna zawarcinta kan Ollie Watkins mai shekara 25 da ke taka leda a Aston Villa, ya koma kungiyar ne daga Brentford kan fam miliyan 28 watanni 8 da suka wuce. (Football Insider)

West Ham United ta sha gaba a rige-rigen dauko Youssef En-Nesyri na Sevilla, duk da cewa ana alakanta Liverpool da Manchester United da kokarin saye dan wasan asalin morocco mai shekara 23. (La Razon - in Spanish)

Everton ta soma tattaunawa da Seamus Coleman kan mukamin koci idan kwanaki taka ledarsa sun zo karshe. A Yuni 2022 kwantiraginsa ke karewa. (Liverpool Echo)

Chelsea ta sake jadada muradinta kan dan wasan Bayern Munich Niklas Sule, kocinta Thomas Tuchel na burin ganin ya cimma daidaituwa da ɗan wasan Jamus din mai shekara 25. (Athletic, subscription required)

Barcelona na shirin bai wa Riqui Puig ɗan shekara 21 damar tafiya aro, tuni ta soma samun tayi daga kungiyoyin Firimiya da Italiya da Jamus da Portugal. (Sport - in Spanish)

Aston Villa na shirin sake gwada sa'arta akan Milot Rashica na Werder Bremen's bayan tayi rashin nasarar ɗauko shi a kakar da ta gabata. (Football Insider)

Bayern Munich na fatan cimma yarjejeniyar da Eduardo Camavinga na Rennes, wanda ido Real Madrid ke kansa. (France Football)

Edin Dzeko na Roma ya kasance ɗan wasan da har yanzu Inter Milan ke fatan sayewa a wannan kakar. (Calcio Mercato - in Italian)