An kone Alkur'ni a ranar baban sallah
Kasashen musulmi na duniya na ci gaba da yin Allah wadai da kona Alƙur'ani da masu zanga-zanga suka yi a kasar Sweden.
Kasar Maroko ta yi wa jakadanta na can kiranye, sakamakon lamarin da ya faru a birnin Stockholm.
Ma'aikatar harkokin wajen kasar a birnin Rabat ta kira matakin a matsayin rashin da'a ga al'ummar musulmi, yayin da suke bikin Babbar Sallah.
Ministan harkokin wajen Turkiyya ya yi Allah-wadai da lamarin, inda ya ce wadanda suka shiya zanga-zangar na da hannu a abun da ya faru.
Yanz haka ana bincikar wanda ya shirya zanga-zangar da aka ce dan Iraqi kan zargin tunzura jama'a.
Wata kotu a Sweden ce ta yanke hukuncin a kyale masu zanga-zangar su yi gudanar da ita, bisa hujjar 'yancin fadar albarkacin baki.
Ba dai wannan ne karon farko da aka taba samun wani abu makamancin haka ba a Sweden.
Lokaci zuwa lokaci akan yi zanga-zanga irin wannan, inda jama'a ke taruwa suna kona littafin mai tsarki na musulmi.
A kasashen duniya da dama ana gudanar da zanga-zanga da kona tutar kasar don nuna damuwa kan abun da ya faru.